ვილი ისიანის ესპანური თამაშები…

25 წლის ქართველი კალათბურთელი ვილი ისიანი ბოლო 4 სეზონი NCAA-ს „დეტროიტ მერსიში“ რომ თამაშობდა ახალი სეზონიდან ესპანეთის რანგით მეორე საკალათბურთო ჩემპიონატის (LEB Oro) გუნდ „კასერესში“ ჩაირიცხა და ჩინებულადაც ათამაშდა. მისი დებიუტი 7 ოქტომბერს „ალმანსასთან“ (71:86) მატჩში შედგა. ვილი სასტარტო შემადგენლობაში იყო, მან პარკეტზე 29 წუთი გაატარა, რა დროშიც 8 ქულა, 5 მოხსნა, 1 პასი და 2 ჩაჭრა მოაგროვა.

მომდევნო შეხვედრაში „კასერესი“ 11 ოქტომბერს, სტუმრად “ოვიედოს” შეხვდა და დაძაბულ ბრძოლაში 3 ქულით 71:68 მოუგო. ვილი ისიანი ამ შეხვედრაშიც დამაჯერებელი გახლდათ. მართალია მატჩი სასტარტოში არ დაუწყია, თუმც მან 23 წუთი ითამაშა, რა დროშიც 4 ქულა და 2 მოხსნა მოაგროვა და პასი მიითვალა და თანაგუნდელთაგან ერთ-ერთი გამორჩეული იყო. მოკლედ, ამ ბიჭის პროგრესი უკვე აშკარად თვალშისაცემია და კარგი იქნება ეროვნული გუნდის მწვრთნელების თვალთახედვის არეშიც თუ მოხვდება. მით უმეტეს, რომ ევროპის ჩემპიონატის შემდეგ ნაკრებს ახალი სისხლიც სჭირდება.

No description available.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.