საქართველომ მაგრად მოიგო

შეიძლება იყოს 5 ადამიანი, შენობაში და აუზი-(ი)ს გამოსახულება საქართველოს წყალბურთელთა ნაკრებმა ბრწყინვალე მატჩი ჩაატარა და ბუდაპეშტში მიმდინარე მსოფლიო ჩემპიონატზე სამხრეთ აფრიკა გაანადგურა. მე-9 ადგილისთვის ნახევარფინალურ შეხვედრაში ჩვენებმა 20:7 იმარჯვეს და 1 ივლისს იაპონიას შეხვდება, რომელმაც, თავის მხხრივ ავსტრალიას 15:7 მოუგო. სწორედ საქართველო – იაპონიას შორის გამარჯვებული მოიპოვებს მე-9 ადგილს.

ს.აფრიკასთან მატჩის კი როგორც ანგარიშიდან ჩანს ჩვენების აშკარა უპირატესობით წარიმართა და ოთხივე მეოთხედი სათავისოდ დაასრულეს. დეიან სტანოიევიჩის შეგირდები ჯერ 3:1 დაწინაურდნენ, მერედამერე კი უპირატესობა გაზარდეს – 5:1, 7:2, 5:3… და საბოლოოდ სოლიდური სხვაობაც დააფიქსირეს.

მსოფლიო ჩემპიონატის ერთ მეოთხედფინალში ხორვატიამ სერბეთი 14:12 დაამარცხა, პარალელურად კი საბერძნეთმა აშშ-ს აჯობა 16:11. ნახევარფინალში ხორვატია ესპანეთი-მონტენეგროს გამარჯვებულს შეხვდება, ხოლო საბერძნეთი უნგრეთი – იტალიას შორის მოგებულს…

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...