ნათელა ძალამიძემ, რომელიც აქამდე რუსეთის სახელით ასპარეზობდა, მოქალაქეობა შეიცვალა, ქართული პასპორტი აიღო და მოახლოებულ „უიმბლდონზე“ ჩვენი სახელით ითამაშებს. ძალამიძე, აქამდე რუსეთში ვარჯიშობდა, WTA-ს რეიტინგშიც ოკუპანტი ქვეყნის წარმომადგენლად იყო ხსენებული. ახლა კი მის პროფილზე საქართველო და ჩვენი ქვეყნის დროშაა მითითებული.
ნათელა ძალამიძე WTA-ს 44-ე პოზიციაზეა, ოღონდ წყვილთა თანრიგში. მას ორი ტურნირი აქვს მოგებული. ბოლოს რუსეთის სახელით საფრანგეთის ღია პირველობაზე წყვილებში რუს კამილა რახიმოვასთან ერთად, ხოლო შერეულ წყვილებში ყაზახეთის წარმომადგენელ ალექსანდრ ბუბლიკთან ერთად ითამაშა.
„უიმბლდონზე“ ის წყვილებში ძალამიძე სერბ ალექსანდრა კრინიჩთან ერთად ითამაშებს. შეგხსენებთ, რომ ორგანიზატორების გადაწყვეტილებით წლეულს რუსი და ბელარუსი ჩოგბურთელები „უიმბლდონზე“ ვერ ითამაშებენ, შესაბამისად, არც სხვა ჩოგბურთელებს დაეწერებათ სარეიტინგო ქულები.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე