ექიმი ბოჩევი: გაგვიმართლა ნედელევი შოთა ინგოროყვას ხელში რომ მოხვდა

Bulgarian team bus crash leaves midfielder Todor Nedelev with brain injury - Thelocalreport.in ბულგარეთის ნაკრების ექიმი ბისერ ბოჩევი თავისი ქვეყნის პრესას თბილისში, ავარიაში დაზიანებული ფეხბურთელის ტოდორ ნედელევის მდგომარეობის შესახებ უყვება.

„დღეს, ბულგარეთის კონსულთან ერთად ინტენსიური თერაპიის განყოფილებაში ვიყავი და მინდა გითხრათ, რომ იმ ადამიანის კვალობაზე, რომელმაც რთული ოპერაცია გადაიტანა, ის კარგად არის — სამედიცინო კომიდან გამოვიდა და შედარებით უკეთეს, სტაბილურ მდგომარეობაშია. ის უკვე ერკვევა სიტუაციაში, პასუხობს შეკითხვებს. საბოლოო შედეგთან დაკავშირებით ოპტიმისტურად ვართ განწყობილები.

ინციდენტის შემდეგ ტოდორ ნედელევს ძლიერ სტკიოდა თავი, მოსდიოდა სისხლი, ორიენტაცია ჰქონდა დაკარგული და ამნეზია შეენიშნებოდა. მას არ ახსოვს რა მოხდა. გადავწყვიტეთ უახლოეს კარგ საავადმყოფოში მიგვეყვანა. კარგია, რომ შოთა ინგოროყვას ხელში მოვხვდით. აღფრთოვანებული ვართ მისით და მადლობას ვუხდით. დიაგნოზი სწრაფად დაისვა. გამოკვლევებმა აჩვენა, რომ მარჯვენა მხარეს თავის ქალის დაზიანებასთან გვქონდა საქმე. სასწრაფოდ რომ არ გვემოქმედა ცუდი შედეგი დადგებოდა.

ტოდორის დედასა და ნათესავებთან დაუყოვნებელი კონსულტაციის შემდეგ საბუთებს ხელი მე მოვაწერე.

საოპერაციოში ვიყავი და ვნახე რა საუცხოო ოპერაცია ჩაატარა პროფესორმა ინგოროყვამ.

იმედი მაქვს, რომ ტოდორ ნედელევი მალე ჩვეულებრივ ცხოვრებას დაუბრუნდება”, — თქვა ბოჩევმა და დასძინა, რომ ნედელევისთვის ფეხბურთში დაბრუნება გამორიცხული არ არის.

„ვფიქრობ, 3-4 თვის შემდეგ ფეხბურთზე ლაპარაკი კვლავ შესაძლებელი იქნება”, — დასძინა მან.