ბენზემამ რაულს დაუმიზნა

Soccer Football - LaLiga - Sevilla v Real Madrid - Ramon Sanchez Pizjuan, Seville, Spain - April 17, 2022 Real Madrid's Karim Benzema scores their third goal REUTERS/Marcelo Del Pozo ესპანეთის პრიმერა დივიზიონში მადრიდის „რეალმა“ სტუმრად 3:2 მოუგო „სევილიას“. გამარჯვების გოლი მსაჯის მიერ კომპენსირებულ დროში ქარიმ ბენზემამ შეაგდო და „რეალის“ ყველა დროის მეგოლეებს შორის მესამე კაცი გახდა.

საქმე ის არის, რომ ფრანგმა ფორვარდმა ესპანური კარიერის მანძილზე 217 გოლი გაიტანა და მადრიდული კლუბის ლეგენდას, ალფრედო დი სტეფანოს გადაასწრო.

„რეალის“ ისტორიაში ლა ლიგაში გატანილი გოლებით პირველ ადგილზე, ცხადია, კრიშტიანუ რონალდუა (311), მეორეზე რაული (228), ხოლო მესამეზე ბენზემამ (217) აინაცვლა.

ბენზემას შეუძლია რაულსაც გადაასწროს. საამისოდ, წლევანდელი სეზონი საკმარისი ვეღარ იქნება, მაგრამ მომავალში…

„სევილიასთან“ ბენზემამ პირადი რეკორდიც დაამყარა, აქამდე ლა ლიგის ერთ სეზონში ბენზემას 25 გოლი არ გაუტანია, ახლა კი საუკეთესო პირადი მაჩვენებელი დააფიქსირა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...