სად არის შენგელია?

ილიას ზუროსი საქართველოს ეროვნულ ნაკრებთან ერთად ბერძნულ კლუბს გაწვრთნის #1TVSPORT - 1TV საქართველოს კალათბურთელთა ნაკრები მსოფლიოს ჩემპიონატის შესარჩევი ტურნირის მატჩებს 24 თებერვალს ჩრდილოეთ მაკედონიასთან თბილისში, ხოლო 27-ში სტუმრად სკოპიეში, იმავე მაკედონიას გაეჯიბრება.

ამ მატჩებისთვის ეროვნული გუნდის თავკაცმა ილიას ზუროსმა გაფართოებული შემადგენლობა დაასახელა.

თად მაკფადენი, ლუკა მაზიაშვილი, გივი ბაქრაძე, ოთარ ფხაკაძე, დუდა სანაძე, კახა ჯინჭარაძე, მერაბ ბოქოლიშვილი, ნიკა ჩეჩელაშვილი, ვლადიმერ თავაქარაშვილი, მიხეილ ბერიშვილი, გიორგი კორსანტია, აკაკი დვალიშვილი, ბექა ბექაური, ილია ლონდარიძე, გიორგი შერმადინი

მატჩებისთვის მზადებას საქართველოს ნაკრები 19 თებერვალს სპორტის სასახლეში დაიწყებს. საინტერესოა, რომ ზუროსის რჩეულებს შორის სულ სამი ლეგიონერია – ესპანური „ტენერიფეს“ ლიდერი გიორგი შერმადინი, ესპანური მურსიას გამთამაშებელი თად მაკფადენი და სერბული ბორაცის დუდა სანაძე. დანარჩენები ეროვნული ჩემპიონატიდან არიან. შეამჩნევდით, ნაკრების გაფართოებულ შემადგენლობაში არ არის მოსკოვის არმიელი თორნიკე შენგელია… რატომ? ჯერ უცნობია.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.