პელე ისევ ჰოსპიტალში დაწვა

ლეგენდარულმა პელემ, კვირას ისევ საავადმყოფოში დაწოლის შესახებ განაცხადა, ნაწლავზე მკურნალობის გასაგრძელებლად.

„მეგობრებო, ისევე, როგორც ყოველ თვეს, ამჯერადაც მკურნალობის გასაგრძელებლად საავადმყოფოში დავწექი. დიდი ტელევიზორი და ბატი-ბუტი უკვე შევუკვეთე, რათა მომავალ სუპერბოულს (ამერიკული ფეხბურთის ლიგის (NFL) ფინალური შეხვედრა) კომფორტულად ვუცქირო. მართალია, ჩემი მეგობარი ტომ ბრედი არ ითამაშებს, მაგრამ მაინც სიამოვნებით ვუცქერ მატჩს. მადლობა გამამხნევებელი გზავნილებისთვის. – დაწერა 81 წლის ბრაზილიელმა ინსტაგრამში.

ბოლო წლებში პელე რამდენჯერმე მოხვდა ჰოსპიტალში. 2021 სექტემბერში კი მას მსხვილ ნაწლავზე სიმსივნე მოკვეთეს. მას შემდეგ ყოველთვე სარეაბილიტაციო პროცედურებს გადის.

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.