ბასილაშვილი ვენაში იგებს

ავსტრიის დედაქალაქ ვენაში მიმდინარე საერთაშორისო საჩოგბურთო ტურნირზე, რომლის საპრიზო ფონდი 1 515 215 ევროა, ნიკოლოზ ბასილაშვილმა პირველი წრე წარმატებით დაძლია.

ჩვენებური მსოფლიოს მე-18 ჩოგანს, ესპანელ პაბლო კარენო-ბუსტას შეხვდა და ორსაათნახევარში 7:5, 4:6, 6:3 მოიგო.

პირველ სეტში ბასილაშვილმა ესპანელს 5 ბრეიკ-პოინტი არ დაანება, თავად კი, პირველივე შანსი გამოიყენა და სეტი წამოიღო.

მეორე სეტის სტარტზე, პირიქით, ესპანელმა ჩოგბურთელმა ორი ბრეიკ-პოინტი გადაარჩინა. სამაგიეროდ, მე-9 გეიმში სათავისოდ შეატრიალა სეტი.

მესამე სეტში ნიკამ შანსი უკვე გამოიყენა, ბრეიკით დაწინაურდა, შემდეგ მოწოდება ნულზე მოიგო და სეტში 6:3 იმარჯვა.

ქართველი ჩოგბურთელის მეტოქე მერვედფინალში იტალიელ მატეო ბერეტინისა და ავსტრალიელ ალექსეი პოპირინს შორის გამარჯვებული იქნება.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.

უახლესი პოსტები

Post Views: 5