კეიტა გვინეაში გაიჭედა

კვირას გვინეაში სამხედრო გადატრიალება მოხდა. ადგილობრივი მედიის ცნობით, ამბოხებულებმა ქვეყნის პრეზიდენტი შეიპყრეს, არსებული კონსტიტუცია გააუქმეს და საზღვრები ჩაკეტეს.

გვინეის ნაკრებს 2022 წლის მსოფლიო ჩემპიონატის შესარჩევი მატჩი უნდა ეთამაშა მაროკოს ეროვნული გუნდის წინააღმდეგ. ცხადია, შეხვედრა გაურკვეველი დროით გადაიდო.

Sky Sports კი გვამცნობს, რომ ამ შემთხვევით ძალიან შეწუხებულან „ლივერპულში.“ მოგეხსენებათ, მათი ნახევარმცველი, ნაბი კეიტა გვინეელია და სანაკრებო შეკრებაზე იმყოფება. მაგრამ საზღვრები ჩაიკეტა და როდის გამოაღწევს იქიდან არავინ იცის.

წყაროს ინფორმაციით, კლუბს მუდმივი კავშირი აქვს ფეხბურთელთან, ის უსაფრთხოდაა და ნაკრების წევრებთან ერთად იმყოფება.

ავტორის პროფილი

სოლომონ გულისაშვილი: სოლომონ გულისაშვილი — ადამიანი, რომელიც ვერ ჩქარობს, განსაკუთრებით თუკი სტატიას წერს, ასწორებს ან ქეიფობს. ამ ორ სფეროში უბადლოა. ერთგული ადამიანია, სამი შვილის მამა. თუ გინდა არ გაგაგიჟოს, დრო არ უნდა დაუთქვა.