გუნდი უკვე არის. ტიტულების დროა

Ole Gunnar Solskjaer Confirms Jadon Sancho Arrival at Manchester United ოლე გუნარ სულშერმა „მანჩესტერ იუნაიტედთან“ ახალი კონტრაქტი გააფორმა 2024 წლამდე და კიდევ ერთი წლით გაგრძელების უფლებით.

შეგიძლიათ მოიწონოთ ან დაიწუნოთ კლუბის ხელმძღვანელების ეს ნაბიჯი, მაგრამ ფაქტი ჯიუტია: „მანჩესტერი“ აღარ ჰგავს ავგიას თავლას, რომელიც ყოველი სეზონის დასრულების შემდეგ კაპიტალურად უნდა დაასუფთაო.

გუნდს გაუჩნდა ღერძი და საჭიროებს მხოლოდ წერტილოვან სელექციას. და ეს პირველად სერ ალექს ფერგიუსონის ეპოქის შემდეგ.

ესეც ბუნებრივია: ოლე გუნარი ხომ ფერგის მოწაფე იყო და 1996-2007 წლებში გუნდის ღირსებას იცავდა.

სულშერის „მანჩესტერი“ წინა სეზონში ევროპის ლიგის ფინალში გავიდა და პრემიერლიგაში მეორე ადგილი დაიკავა. როგორც პრესკონფერენციაზე სულშერმა თქვა:

„გუნდი უკვე არის. ახლა ტიტულების დროა“.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".