ცუდი შედეგით, მაგრამ ფინალში…

სტენლის თასზე „მონრეალ კანადიენსმა“ საკუთარ მოედანზე ნახევარფინალური სერია 4:2 მოუგო „ვეგას გოლდენ ნაითს“. გადამწყვეტ მატჩში მასპინძლებმა ოვერტაიმში 3:2 იმარჯვეს.

საინტერესო ის არის, რომ მონრეალელები ფლეი ოფში ყველაზე ცუდი შედეგით გავიდნენ. „მონრეალი“ გახდა მეორე გუნდი 1968 წლის შემდეგ გაფართოებულ ეპოქაში, რომელიც ფინალში ასეთი მაჩვენებლით მოხვდა. პირველად ეს „ნეშვილ პრედატორსმა“ 2017 წელს გააკეთა.

ახლა „მონრეალი“ მეორე ფინალისტს ელოდება, რომელიც „ტამპა ბეისა“ და „ნიუ იორკ აილდენდერსს“ შორის უმჯობესი უნდა იყოს. იქ კი, სერიაში მეშვიდე, გადამწყვეტი მატჩი უნდა გაიმართოს.

MONTREAL CANADIENS nhl hockey wallpaper | 1920x1080 | 667747 | WallpaperUP

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...