ძიუდოისტებმა ევროპა ვერცხლით დაიწყეს

ვაჟა მარგველაშვილმა მსოფლიო ჩემპიონატი გამარჯვებით დაიწყო | Live.ge პორტუგალიის დედაქალაქ ლისაბონში დაწყებულ ძიუდოს ევროპის ჩემპიონატის პირველ დღეს 66 კგ-მდე წონით კატეგორიაში ვაჟა მარგველაშვილმა ვერცხლის მედალი მოიპოვა.

ჩვენებური პირველ წრეში ისვენებდა, შემდეგ კი, ესპანელი ადრიან ნიეტო ჩინარო, ბელარუსი დმიტრი მინკო და სერბ სტრაინია ბუნჩიჩი დაამარცხა და ფინალში ჭიდაობის უფლება მიიღო.

ოქროს მედლისთვის მარგველაშვილი იტალიელ მანუელ ლომბარდოს დაეჭიდა და მეორე წუთზე მეტოქის ილეთი გაეპარა.

60 კგ-მდე წონით კატეგორიაში მოასპარეზე თემურ ნოზაძე მეორე წრეში დამარცხდა და ევროპირველობას ნაადრევად დაემშვიდობა. ამ წონაში საფრანგეთის სახელით მოჭიდავე ლუკა მხეიძე ვერცხლის მედალს დასჯერდა, ხოლო რუსეთის სახელით გამომსვლელი იაგო აბულაძე – ბრინჯაოს.

მედლის შანსი ჰქონდა საქართველოს ქალ ძიუდოისტთა ნაკრების წევრ ეთერ ლიპარტელიანს (57კგ), რომელმაც ბრინჯაოს მედლისთვის ბრძოლა კოსოვოელ ნორა ჯაკოვასთან წააგო.

ქართველმა ძიუდოისტმა საწყის წრეებში უკრაინელ მარია სიკორასა და გერმანელ იანა ციგლერს იპონებით აჯობა, მაგრამ მეოთხედფინალში ასევე იპონით ფრანგ სარა ლეონ სისკესთან წააგო. სანუგეშო რაუნდში ლიპარტელიანმა ისრაელის წარმომადგენელი ტიმნა ნელსონ ლევი შებოჭა და მედლისთვის ჭიდაობის უფლება მიიღო. იქ კი, როგორც გითხარით, წააგო.

ქალთა შორის 52 კილოგრამ წონით კატეგორიაში მოასპარეზე მარიამ ჯანაშვილი და ტატიანა ლევიტსკა-შუკვანი ნაადრევად დამარცხდნენ.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...