საქართველოს წყალბურთის ნაკრებმა ტოკიოს ოლიმპიური თამაშების კვალიფიკაციის ჯგუფურ ეტაპზე დიდი მოლოდინი გაგვიჩინა. თუმცა, ეს მოლოდინი მეხუთე ადგილისთვის თამაშების პირველივე დღეს ნიდერლანდებთან წყალში ჩაიყარა.
ვერ ვიტყვით, რომ ჩვენი გუნდი გატეხილი იყო იმ ფაქტით, რომ ტოკიოში თამაშის უფლება ვერ მიიღეს – ამას არავინ ითხოვდა, მაგრამ მასპინძლებთან უკეთეს თამაშს ნამდვილად ველოდით.
ნიდერლანდელებმა პირველი პერიოდში იმხელა უპირატესობა მიიღეს, რომ მუდმივად მდევრის როლში უნდა ვყოფილიყავით – 1:4. მასპინძლებმა მეორე მეოთხედიც მოიგეს და დიდ შესვენებას ოთხბურთიანი ჰანდიკაპით შეხვდნენ.
ცხადია, ასეთი ჩამორჩენის შემდეგ მატჩის გადარჩენაზე ფიქრი გაჭირდა. ჩვენებმა მაინც გაიბრძოლეს და ბოლო მეოთხედის წინ სხვაობა ერთი ბურთით შეამცირეს. თუმცა, მეტი ვერაფერი გაახერხეს და 11:14 დამარცხდნენ.
ახლა ჩვენები მეშვიდე ადგილისთვის მატჩში საფრანგეთსა და კანადას შორის უმჯობესს შეხვდებიან.
