უეფა ეროვნულს შეიწირავს

უეფა ჩემპიონთა ლიგას ახალი ფორმატით ჩაატარებს. ამ საკითხზე ევროპული ფეხბურთის ყველა, 55-ვე ასოციაცია შეთანხმდა. თუმცა, საბოლოო გადაწყვეტილება აპრილამდე ოფიციაურად არ გამოცხადდება.

ახალი ფორმატით მონაწილეები ჯგუფებში აღარ განთავსდებიან და შვეიცარიული სისტემით ითამაშებენ. გუნდებმა მინიმუმ 10 მატჩი უნდა ითამაშონ სხვა და სხვა მეტოქესთან. აქედან ხუთი შინ და ხუთიც – სტუმრად. ამასთან, არ გამორიცხავენ, რომ მომავალში 32 გუნდი 36-მდე გაიზარდოს.

უეფა ამ პროექტს მინიმუმ ცხრა წლით გეგმავს: დაიწყება 2024 წელს და გაგრძელდება 2033 წლამდე (შესაძლოა, მეტიც).

შეიძლება, რომ ჩემპიონთა ლიგის ფორმატის შეცვლის მსხვერპლი, ეროვნული ჩემპიონატები გახდეს, სადაც მონაწილეთა შემცირება 16 ან 18 გუნდამდე მოხდეს.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.