დღეს ანსუ ფატის დღეობაა…

„ბარსას” თავკაცმა რონალდ კუმანმა „ალავესთან” შეხვედრის წინა პრეს-კონფერენციაზე თქვა, რომ ანსუ ფატისთან სერიზული საუბარი ჰქონდა, რომლის დროსაც მან ყმაწვილ თავდამსხმელს აუხსნა, თუ რა აქვს გამოსასწორებელი.

ანსუ დღეს, შაბათს, 31 ოქტომბერს, 18 წლისა ხდება. კუმანს ჰკითხეს, რა რჩევა მისცა მან ამომავალ ვარსკვლავს დღეობაზე საჩუქრად.

„მას რასაკვირველია მუყაითობა და ოსტატობის ამაღლებაზე მუდმივი ზრუნვა სჭირდება, მაგრამ განსაკუთრებით ყურადღების კონცენტრაციაზე უნდა იმუშაოს. საქმე ისაა, რომ ხანდახან ის კონცენტრაციას ტექნიკის კი არა, კონცენტრაციის ნაკლებობის გამო კარგავს.

ანსუ დიდი ტალანტია. ის მართლა ძლიერი ფეხბურთელია და ამიტომაც ყოველმხრივ უნდა შევუწყოთ ხელი, ვასწავლოთ უკეთ თამაში. ამისათვის კი შეხვედრის მსვლელობისას ყურადღების მაქსიმალური მობილიზებაა საჭირო”.

კუმანის აზრით ფატის შეუძლია ეს კომპონენტი თანაგუნდელი პედრისგან ისწავლოს. მართალია პედრი მასზე ერთი თვით უმცროსია, მაგრამ კონცენტრაციაში ბადალი არ ჰყავს.