დააბით ეს ბიჭები!

წლევანდელ საფეხბურთო სეზონს გმირები არ აკლია, მაგრამ „დორტმუნდის“ ახალწვეულმა ერლინგ ჰოლანდმა ბუნდესლიგური დებიუტით ევროპა შეაზანზარა.

19 წლის ჰოლანდმა სულ სამ მატჩში ითამაშა და ჯამში 7 გოლი გაიტანა. ამ სამიდან ორ შეხვედრაში სულაც შეცვლაზე შევიდა და როცა სტატისტიკა დაუთვალეს, აღმოჩნდა: ერლინგს თითო გოლის გასატანად 20 წუთზე ნაკლენი ჰყოფნის. გაინტერესებთ, 7 გოლის გასატანად კარის ჩარჩოში რამდენჯერ დაარტყა ჰოლანდმა? ზუსტად 7-ჯერ!

ერლინდ ჰოლანდი დორტმუნდელთა ერთადერთი გმირი არ არის. იმავე ბერლინის „უნიონს“ პირველი გოლი ჯეიდინ სანჩომ გაუტანა და რეკორდსმენიც შეიქნა: აქამდე 20 წელს მიუღწეველ ფეხბურთელს ბუნდესლიგაში 25 გოლი არ გაუტანია. წლეულს სანჩომ 17 შეხვედრაში 12 გოლი და 11 საგოლე გადაცემა მიითვალა.

„დორტმუნდი“ ბუნდესლიგაში მეოთხეა, მაგრამ ლიდერ „ბაიერნს“ 3 ქულით ჩამორჩება. როცა შეტევაში ასეთი ბიჭები ბურთაობენ, დორტმუნდში ყველაზე მაღალ მიზნებზე ოცნების უფლებაც აქვთ.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".