მარიხუანას პლანტაცია ველოსპორტს შეეწირა

ესპანეთში მრავალდღიანი ველორბოლა „ვუელტა“ გრძელდება. მერვე ეტაპის ფინიში ქალაქ იგუალდეში იყო დაგეგმილი.

მოგეხსენებათ, ველოტურს რამდენიმე ვერტმფრენი ემსახურება. ჰოდა, ერთ-ერთ ვერტმფრენში განთავსებული კამერის კადრში საცხოვრებელი სახლის სახურავზე გაშენებული მარიხუანას პლანტაცია მოყვა.

ბუნებრივია, კადრებით პოლიცია დაინტერესდა. ჩატარებული ჩხრეკის შედეგად 40 ძირი მარიხუანა ამოიღეს. სახლის პატრონებს კი 3-დან 6 წლამდე პატიმრობა ემუქრებათ.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".