ოოოოოოძეკი! – სარბიელი

ტიტული დაბრუნებულია! ლევან გორგაძემ დათქმული 10 გამარჯვება მოიპოვა და ისევ ოძეკია, თუმცა რანგის ოფიციალურად გაფორმებამდე გარკვეული ფორმალობები დარჩა. მთავარი ისაა, რომ ქართველმა გოლიათმა ტიტული იოკოძუნა კაკურიუს დამარცხებით მოიპოვა – სტარტზე გავეშებულ მონღოლს გაეცალა და დავარდნაში “წაეხმარა”. ამ გამარჯვებით ლევანმა მერვე მაეგაშირა ასანოიამა გააჩემპიონა – მისი დაწევა მხოლოდ კაკურიუს შეეძლო. გუშინ ლევანისთვის ასანოიამასთან მოგება უსინდისოდ რომ არ ჩამოერთმიათ, ვნახავდით, ვინც იჩემპიონებდა, მაგრამ რაღა დროს. ლევანი სპეციალურ პრიზს მაინც მიიღებს – იოკოძუნას ძლევისთვის. ხვალ დაჯილდოებას აშშ-ის პრეზიდენტი დონალდ ტრამპი დაესწრება, რომელიც ამ დღებში ტოკიოში ოფიციალური ვიზიტით იმყოფება.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".