სიტი რეკორდზე მიდის

როგორც კი სატრანსფერო ფანჯარა გაიხსნება, „სიტი“ პირველ რიგში მადრიდის „ატლეტიკოს“ 22 წლის ნახევარმცველ როდრის გადაბირებას ეცდება. ჩანაფიქრის მიხედვით, მან 34 წლის ფერნანდინიო უნდა ჩაანაცვლოს.

The Telegraph-ის ცნობით, ინგლისელთა სპორტული დირექტორი ჩიკი ბეგირისტაინი მიმდინარე სეზონში რამდენჯერმე დაესწრო მადრიდელთა შეხვედრებს. გვარდიოლას სურს, მომავალი სეზონისთვის მზადების დაწყებისთანავე როდრი მის განკარგულებაში იყოს.

ტრანსფერის თანხა 61 მილიონი გირვანქა იქნება – სწორედ ეს გამოსასყიდია მითითებული ფეხბურთელის კონტრაქტში. თუ ასე მოხდა, როდრი „სიტის“ სარეკორდო შენაძენი იქნება. აქამდე ყველაზე მეტი ქალაქელებს „ლესტერიდან“ წამოყვანილ რიად მაჰრეზში ჰქონდათ გადახდილი – 60 მილიონი გირვანქა.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".