აცილებაც ამას ჰქვია!

„პარი სენ ჟერმენისა” და კამერუნის ნაკრების 30 წლის თავდამსხმელმა ერიკ მაქსიმ შუპო-მოტინგმა „სტრასბურგთან” შეხვედრაში ისეთი მომენტი გააფუჭა, რომ მსოფლიო მედიის ყურადღება მიიპყრო. „პარკ დე პრენსზე” გაცუდებულ მომენტზე ბევრგან დაწერეს მსოფლიოს ყველა დროის უარეს აცილებათა სიაში პირველ ადგილზე ადგილი მყარად დაიკავაო. შუპო-მოტინგის მომენტზე უფრო კურიოზულის „შექმნა” ფეხბურთელთა მომავალ თაობებს წესით ძალიან უნდა გაუჭირდეთ.

საინტერესოა, რომ მე-13 წუთზე კამერუნელმა ანგარიში გახსნა. ანუ, „სტრასბურგთან” შეხვედრა მისთვის თითქოს უიღბლოდ არ დაიწყო, მაგრამ შემდეგ ისეთი რამ გააკეთა…

მერე „სტრასბურგმა” ორი გოლი შეაგდო, მაგრამ პარიზელებმა ერთითაც უპასუხეს და საბოლოოდ თამაში 2:2 დასრულდა.

ავტორის პროფილი

ირაკლი ნინიძე: ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...