უკეთეს დასაწყისს თავადაც ვერ ინატრებდა: ნიკოლოზ ბასილაშვილმა დუბაის ATP-500 კატეგორიის ტურნირის პირველ წრეში კარენ ხაჩანოვი ისე დაამარცხა, ენერგიის დიდი ნაწილი სამომავლოდაც გადაინახა.
პირველ სეტში თანაბარი თამაში იყო, მაგრამ ყველაზე საჭირო მომენტში ნიკა ბოძებულ შანსს ჩაეჭიდა და 6:4 მოიგო. მეორე სეტში სომეხი ჩოგბურთელის ყურება საცოდაობა იყო – ორი ბრეიკი და ნიკამ 6:1 იმარჯვა.
ხაჩანოვი 22 წლის კია, მაგრამ რუსეთის პირველი და მსოფლიოს მე-11 ჩოგანია, დუბაიში კი მე-4 ნომრად იყო განთესილი. შესაბამისად, მისი სატურნირო ბადე ნიკამ გადაიბარა. მასზე უფრო მაღალ, მე-2 ნომრად განთესილ ფედერერს ნიკა მხოლოდ ნახევარფინალში თუ შეხვდება.
თუმცა, რად გინდა: უკვე მეორე წრეში ნიკას სავარაუდო მეტოქე დუბაის შარშანდელი ჩემპიონი რობერტო ბაუტისტა აგუტი იქნება.
ისე, სიმბოლურია: ისევ 25 თებერვალი დგას… საქმე ისევ რუსეთთან გვქონდა… ისევ მე-11-სთან…
ახლა გამარჯვება ჩვენ დაგვრჩა.
ავტორის პროფილი
- მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".
უახლესი პოსტები
კატეგორიის გარეშე21/11/2021 | 16:00დროებითი ლორან ბლანი
აქეთურ-იქითური20/11/2021 | 19:48დანი ალვეში – თავნება გენიოსი
აქეთურ-იქითური17/11/2021 | 13:13ლემპარდს ლესტერი უნდა
აქეთურ-იქითური16/11/2021 | 17:31ვინ არის ადეიემი?