ბელერინის ცხრათვიანი ტრავმა

ექტორ ბელერინს მყესები გაუწყდა. მას მთელი დარჩენილი სეზონის გამოტოვება მოუწევს.

„არსენალის” განაპირა მცველი „ჩელსისთან” ბოლო ტურის შეხვედრაში, ნახევარმცველ როს ბარკლისთან შეტაკების დროს დაშავდა. შეგახსენებთ, რომ ის მატჩი „მეთოფეებმა” 2:0 მოიგეს. წუხელ, კატალონიელ მოთამაშეს ნატკენ ადგილზე ათასგვარი რენტგენი და ექოსკოპია გადაუღეს, რის შემდეგაც ითქვა, რომ შესაძლოა ქირურგიული ჩარევაც კი გახდეს აუცილებელი.

23 წლის ფეხბურთელის ერთ-ერთმა ახლობელმა პრესას უამბო: „რასაკვვირველია, ახალ სამედიცინო გამოკვლევებს დაველოდებით, მაგრამ ახლა ისე ჩანს, რომ საქმე ცუდად არის”.

ამბობენ, რომ ფეხბურთელს მკურნალობისა და აღდგენისთვის 9 თვე დასჭირდება.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.