„მანჩესტერ სიტის” ვარსკვლავი კევინ დე ბრუინი BT სპორტის ჟურნალისტ დეს კელის ტელეფონში სურათებს ათვალიერებინებდა, როდესაც შემთხვევით გამოჩნდა, თუ ვის მისცა ხმა ინგლისის წლის საუკეთესო ფეხბურთელის გამოკითხვაში. ეს სწორედ ის გამოკითხვაა, რომელშიც წლეულს ან თავად ბელგიელი გაიმარჯვებს ან „ლივერპულის” ეგვიპტელი თავდამსხმელი მოჰამედ სალაჰი.
და როგორ ფიქრობთ, რა აღმოჩნდა? აღმოჩნდა, რომ დე ბრუინს, პირველ ადგილზე არც მეტი-არც ნაკლები სალაჰი ჩაუწერია.
რა შეიძლება ამაზე ითქვას? ასეთი საქციელის გამო მავანი დე ბრუინს კაცს დაუძახებს, მავანი კი სულელს — მან ხომ კონკურენტს მისცა ხმა.
ჩვენ ვფიქრობთ, რომ ეს კაცური საქციელია!
პროფესიული ფეხბურთის ლიგის გამოკითხვის წესები კი ისეთია, რომ მოთამაშეს თანაგუნდელისთვის ხმის მიცემა ეკრძალება. შემთხვევით გამომზეურებულ ფურცელზე გამოჩნდა, რომ „სიტის” გამთამაშებელს „მანჩესტერ იუნაიტედის” (მანჩესტერული გუნდების დამოკიდებულებას ვფიქრობთ შეხსენება არ სჭირდება) სულ მცირე ორი ფეხბურთელი ჩაუწერია: მეკარე დავიდ დე ხეა და მარჯვენა მცველი ანტონიო ვალენსია.
26 წლის ვარსკვლავის არჩევანი დაცვის ცენტრში ასეთია: „ტოტენჰემის” იან ვერტონგენი და „ბარნლის” ჯეიმს ტარკოვსკი.
დანარჩენი არ გამოჩნდა….
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე