კოშტამ კონტე წაშალა

დიეგო კოშტამ თავისი ყოფილი მწვრთნელი, ანტონიო კონტე დატროლა. შესანიშნავი შანსი მიეცა და ხელიდან არ გაუშვა: „ჩელსიმ” „ბარსელონასთან” 0:3 წააგო. „ბარსელონა” ჩემპიონთა ლიგის მეოთხედფინალში გავიდა, „ლურჯები” კი გავარდნენ.

როგორც კი „ბარსას” და „ჩელსის” შეხვედრა დასრულდა, კოშტას გვერდზე, სოციალურ ქსელში, გამოჩნდა ლონდონელთა გუნდის შემადგენლობის სკრინშოთი, რომელზეც ფეხბურთელს მწვრთნელის გვარი დიდი მონდომებით ჰქონდა წაშლილი.

შეგახსენებთ, რომ დიეგო კოშტამ 2016-17 წლების სეზონში, „ჩელსის” ჩემპიონობაში დიდი წვლილი შეიტანა, მაგრამ შემდეგ იტალიელ მწვრთნელთან უთანხმოება მოუვიდა და მადრიდის „ატლეტიკოში” გადავიდა. როგორც ჩანს, გაესპანელებულ ბრაზილიელს ძველი წყენა დღემდე არ დავიწყებია.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.

უახლესი პოსტები

Post Views: 75