შენგელია – ყველაზე ტექნიკური მძიმე

ევროლიგის მიმომხილველებმა საუკეთესოები გამოარჩიეს და მოკლე დახასიათებაც დაურთეს, რა არის მათი წარმატების „საფირმო“ საიდუმლო.

რა გასაკვირია, რომ რჩეულთა შორის ესპანური „ბასკონიას“ ქართველი ლიდერი თორნიკე შენგელიაც მოხვდა. აი, რას წერენ მასზე:

„ქართველი უდავოდ ყველაზე ტექნიკურია ევროლიგის მძიმე ფორვარდებს შორის. როცა შენგელია კარგ სათამაშო განწყობაზეა და მეურვეს ზურგით აწვება, არანაირ შანსს არ უტოვებს. ამ დროს ბურთს პარკეტთან ძალიან ახლოს ატარებს. თითქოს მოუქნელად, არაესთეტიურადაც კი, მაგრამ აბსოლუტური თავდაჯერებით. პერიმეტრიდან არცთუ ხშირად უტევს, მაგრამ ამ კომპონენტშიც კი 34- პროცენტიანი სიზუსტე აქვს. ქართველის ერთადერთი მინუსი არასტაბილურობა იყო, რის გამოც ევროგრანდები მისი ტრასფერისგან თავს იკავებდნენ. ევროლიგის მიმდინარე სეზონში შენგელიამ ეს კითხვაც მოხსნა”.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".