მცველისთვის სარეკორდო 75 მილიონი გირვანქა გადაუხადა „ლივერპულმა“ „საუთჰემპტონს“ ვირგილ ვან დიიკის სანაცვლოდ და ჰოლანდიელი 1 იანვრიდან „ლივერპულის“ დაცვას გააძლიერებს. 26 წლის ფეხბურთელი კვირაში დაახლოებით 180 000 გირვანქას მიიღებს.
აქამდე უძვირფასესი მცველი კაილი უოკერი იყო, რომელიც გასულ ზაფხულს „სიტიმ“ „ტოტენჰემისგან“ 54 მილიონად იყიდა.
ვან დიიკმა კარიერა „ტილბურგში“ დაიწყო, მერე „გრონინგენში“ გადავიდა და „სელტიკში“ (2013-2015) გააგრძელა. „სელტიკმა“ მაშინ 2 600 000 გირვაქად შეიძინა და ორ წელიწადში 13-ად დაუთმო „საუთჰემპტონს“. ნაკრებში 2015 წლის ოქტომბრიდანაა და 16 მატჩი ითამაშა.