“ბარსელონამ” ტრადიციული საშობაო ლანჩი მოაწყო. ზეიმი ლეო მესის და მისი ძმების რესტორან Bellavista del Jardin del Notre-ში გაიმართა. წვეულებას “ბლაუგრანას” თითქმის ყველა ფეხბურთელი დაესწრო. მოთამაშეებს საზეიმო განწყობა ჰქონდათ: გუნდი ლა ლიგას ცხრილში ლიდერია, ჩემპიონთა ლიგაში მერვედფინალში გავიდა და ესპანეთის სამეფო თასზეც შემდეგ ეტაპზეა. ამას ემატებოდა მესის განახლებული კონტრაქტი, რომელსაც არგენტინელმა რამდენიმე დღის წინ მოაწერა ხელი.
ერთადერთი ჩრდილი რომელიც წვეულებას თან სდევდა კიდევ ერთი არგენტინელის, ხავიერ მასკერანოს საკითხი იყო. მოგეხსენებათ, “ალბისელესტეს” მცველს იანვარში “ბარსელონადან” წასვლა უნდა, კლუბი კი მისი გაშვებისგან ჯერჯერობით თავს იკავებს.
მესის რესტორანი ბოლოხანს კლუბის შეკრებათა მუდმივ ადგილად იქცა. მენიუში სხვა კერძებთან ერთად იყო ბოსტნეულის რაგუ, სალათი ბურატა და თევზის სევიჩე, სამხრეთ ამერიკელთა და კარიბელთა სამზარეულოდან.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე