ბოლო წლებში ესპანელი არბიტრების შეცდომებზე ბევრს ლაპარაკობენ. როგორც ჩანს, ევროპის ამ ქვეყანაში ფეხბურთის დონემ მსაჯობისას ძალიან გაასწრო. მაგალითად გასული უქმეები, ლა ლიგას მეცხრე ტურიც კმარა. შაბათს, “ბარსელონამ” “მალაგას” კარში პირველი გოლი (შეხვედრა დასრულდა 2:0) წესების აშკარა დარღვევით გაიტანა — ლუკას დინიემ ჟერარდ დეოულოფეუს საგოლე პასი მოედნის გარედან ჩააწოდა, რაც მსაჯებმა ვერ დაინახეს.
კვირას, “რეალისა” და “ეიბარის” შეხვედრაში კი მადრიდელმა კაზემირომ სტუმართა იაპონელ ფლანგელს ტაკაში ინუის საჯარიმოში ტერფზე ფეხი დააბიჯა და წააქცია. ამ ეპიზოდში პენალტი უნდა დანიშნულიყო, მაგრამ არბიტრმა თამაში არ გააჩერა. ამ დროისათვის ბრაზილიელს უკვე ჰქონდა ყვითელი ბარათი.
“რეალმა” “ეიბარს” 3:0 მოუგო.
ცხრა ტურის შემდეგ 25 ქულით ლიდერობს “ბარსელონა”. 21 ქულით მეორე ადგილზეა “ვალენსია”, 20 ქულით მესამეზეა “რეალი”.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე