ჟორჟის საოცარი ეპიზოდი

AS: „ის პირველ ტაიმში გოლს იმსახურებდა. აქტიური იყო, მაგრამ დამაგვირგვინებელ ფაზაში სიზუსტე აკლდა’’.

ასე შეაფასა „ელჩეს’’ წინააღმდეგ „ვილიარეალის’’ ქართველი თავდამსხმელის ჟორჟ მიქაუტაძის თამაში გავლენიანმა ესპანურმა გამოცემამ. ყვითელმა წყალქვეშა ნავმა 2:1 მოიგო. ანგარიში 31-ე წუთზე ტეჯონ ბუქანანმა გახსნა, ათ წუთში კი სანტიაგო მოურინიომ მეორე შეაგდო. 83-ე წუთზე სტუმრებმა, კერძოდ ანდრე სილვამ „ვილიარელის’’ ორ გოლს ერთით უპასუხა.

უნდა აღინიშნოს, რომ ბუქანანის გოლს წინ ჟორჟის ბრწყინვალე ეპიზოდი უსწრებდა. მართალია ქართველს „ელჩეს’’ მეკარემ მატიას დიტურომ აუღო, მაგრამ ამ მომენტმა თამაში გახსნა და დიდი ალბათობით სწორედ ამიტომ მოჰყვა მას მოკლე მონაკვეთში მასპინძელთა გოლები. მიქაუტაძემ შეუცვლელად ითამაშა.

მისი თამაში ასე შეფასდა:

flashscore – 7.1; sofascore – 6.6; whoscored – 6.9; fotmob – 7.1

27 ტურის შემდეგ „ვილიარეალი’ მეოთხე ადგილზეა. მას და მესამე ადგილოსან „ატლეტიკოს’’ 54 ქულა აქვთ და მეხუთე ადგილზე მყოფ „ბეტისს’’ 11 ქულით უსწრებენ.