დე ლაურენტისის ახალი ან ძველი შეთავაზება

„გაძეტა დელო სპორტის’’ გუშინდელი ინფორმაციით „ნაპოლის’’ პრეზიდენტ აურელიო დე ლაურენტისს სურს ქართველ გარემარბს ხვიჩა კვარაცხელიას ხელფასი გაუზარდოს. გაზეთი შეგვახსენებს, რომ ჯერჯერობით კვარაცხელიას გასამრჯელო წელიწადში 1.8 მილიონი ევროა, დე ლაურენტისი კი მას რომელუ ლუკაკუს ტოლ შემოსავალს ჰპირდება. სტატიაში არ წერია რამდენია ლუკაკუს ხელფასი, მაგრამ კვარაცხელიას შემთხვევაში ეს უნდა იყოს წელიწადში 5 მილიონ ევროს პლუს მნიშვნელოვანი ბონუსები. კლუბი ქართველი ვარსკვლავის გარემოცვისგან პასუხს ელის.

საინტერესოა, რომ იტალიურ მედიაში 5 მილიონ ევროს პირველად არ ახსენებენ, მაგრამ ამ თანხის გამეორებისას ყოველ ჯერზე წერენ, რომ დე ლაურენტისმა კვარაცხელიას ახალი შეთავაზებით მიმართა. ვაჭრობა სავარაუდოდ, ოქტომბრის ბოლოს უნდა დასრულდეს. მართალია კვარაცხელიას მხარე ამაზე არ ლაპარაკობს, მაგრამ გაურკვევლობა ფეხბურთელზე დიდი ალბათობით უარყოფითად მოქმედებს.

Khvicha Kvaratskhelia, Ivan Kaliuzhnyi and Mykola Shaparenko are playing during the UEFA Nations League 2024 League B Group B1 match between Ukraine...