ლიეტუვის ნაკრების 27 წლის ნახევარმცველი, დანიელ რომანოვსკი თბილისი „დინამოში“ ითამაშებს. კლუბსა და ვილნიუსელ ფეხბურთელს შორის ორწლიანი კონტრაქტი გაფორმდა.
დანიელ რომანოვსკი ვილნიუსის „ჟალგირისის“ აღზრდილია, სადაც 6 წელი ასპარეზობდა. სხვადასხვა დროს „შტუმბრასის“, კაუნასის „ჟალგირისის“, დონეცკის „ოლიმპიკის“ და „ბანგას“ ღირსებას იცავდა.
ბოლო ორი სეზონი რომანოვსკიმ „შიაულიაიში“ გაატარა. ლიეტუვის ყველა ასაკობრივი ნაკრების გარდა, ეროვნულ ნაკრებში 10 მატჩი აქვს ჩატარებული.
დანიელ რომანოვსკი ლიეტუვის ორგზის ჩემპიონი და ორგზის თასის მფლობელია. მას ასევე ქვეყნის სუპერთასი აქვს მოგებული.
