„ნაპოლი” კასტელ ვოლტურნოს ბაზაზე „ბრაგასთან” სათამაშოდ ემზადება. შეხვედრა სამშაბათს „მარადონაზე” გაიმართება. ეს იქნება ჩემპიონთა ლიგის ჯგუფური ეტაპის ბოლო მატჩი. მასპინძლებს ყველა შედეგი აწყობთ ორი და მეტი ბურთით წაგების გარდა.
საწვრთნელ ცენტრში ნეაპოლელთა ვარჯიშში არ მონაწილეობდა ვიქტორ ოსიმენი, რომელიც მაროკოში, კერძოდ მარაკეშში გაფრინდა, სადაც მას 2023 წლის აფრიკის საუკეთესო ფეხბურთელის ჯილდო უნდა გადასცენ. როგორც იტალიური პრესა წერს, ნიგერიელი ფორვარდი ღამით ნეაპოლში დაბრუნდება.
„ნაპოლის” ქომაგთათვის კარგი სიახლე ის იყო, რომ ხვიჩა კვარაცხელიამ, უკვე გუნდთან ერთად ივარჯიშა, რაც იმას ნიშნავს, რომ მას გრიპმა გაუარა.
