ტანგუ ნდომბელე „ნაპოლის” დაემშვიდობა. ფრანგი ნახევარმცველი „დიეგო მარადონაზე” იჯარით გატარებული პერიოდის შემდეგ „ტოტენჰემ ჰოთსფურს” უბრუნდება.
გასული სეზონი პირადად ნდომბელესთვის მაინცდამაინც წარმატებული არ იყო, რადგან ლუჩანო სპალეტის ხელში უფრო სათადარიგო გახლდათ, ვიდრე ძირითადი შემადგენლობის წევრი, მაგრამ მედლების პირადი კოლექცია სკუდეტოთი გაამდიდრა. 26 წლის ფეხბურთელი თამაშობდა იმ „ნაპოლიში” რომელმაც გულშემატკივარს დიეგო მარადონას ეპოქის შემდეგ, 30 წლის ნანატრი ჩემპიონობა მოუტანა.
ნდომბელემ თავის ინსტაგრამზე დაპოსტა გუნდი, ქალაქი და გამოსათხოვარი ტექსტი.
