ჩემპიონთა ლიგაში „ბათუმისა“ და ბრატისლავას „სლოვანის“ წყვილში გამარჯვებულის მეტოქე უნგრეთის ჩემპიონ „ფერენცვაროშსა“ და ყაზახურ „ტობოლს“ შორის უმჯობესი იქნება. დამარცხებული ავტომატურად ევროპის ლიგაში გადაინაცვლებს, სადაც მეტოქე მოგვიანებით გაირკვევა. ხოლო თუ „ბათუმი“ პირველსავე ეტაპზე დამარცხდა კონფერენციის ლიგაში გადაინაცვლებს და პოზნანის „ლეხსა“ და „ყარაბაღს“ შორის მოგებულს შეხვდება.
ჩემპიონთა ლიგის მეორე საკვალიფიკაციო ეტაპის მატჩები 19-20 და 26-27 ივლისს გაიმართება.
კონფერენციის ლიგის მეორე საკვალიფიკაციო ეტაპზე: თუ თბილისის „დინამო“ შემდეგ ეტაპზე გავიდა სომხეთის „არარატ-არმენია“ შეხვდება, გუნდს, რომელმაც 2019 წელს ევროპის ლიგის საკვალიფიკაციო ეტაპიდან „საბურთალო“ დაითხოვა.
თავის მხრივ „საბურთალო“ კი შემდეგ ეტაპზე გასვლის შემთხვევაში, ანუ ალბანური „პარტიზანს“ თუ დაამარცხებს, „დინამოს“ ძველ ნაცნობ ბუქარესტის „სტიაუას“ გაეჯიბრება.
რაც შეეხება გორის „დილას“, თუ ფინური „კუუპიოს“ ბარიერს დაძლევს ლიტუვური „პანევეჟისსა“ და მოლდოვური „მილსამის“ წყვლის გამარჯვებულს დაუპირისპირდება.
კონფერენციის ლიგის პირველი საკვალიფიკაციო ეტაპის მატჩები 7 და 14 ივლისს შედგება, ხოლო მეორე ეტაპის შეხვედრები 21-28 ივლისს გაიმართება.
ავტორის პროფილი
- ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.
უახლესი პოსტები
მთავარი ამბავი07/06/2026 | 23:05ზვერევის პირველი სლემი
მთავარი ამბავი05/06/2026 | 22:20საქართველომ ვარჯიში მოიგო
მთავარი ამბავი05/06/2026 | 16:09ფსიქიატრი გვარდიოლაზე…
მთავარი ამბავი28/05/2026 | 22:04დიდი სენსაცია პარიზში