ჰოკეისტთა მეორე გამარჯვება

საქართველოს ჰოკეისტთა ნაკრებმა 2022 წლის მსოფლიო ჩემპიონატის II დივიზიონის B ჯგუფში აქტივში მეორე გამარჯვება ჩაიწერა.

რეიკიავიკში მიმდინარე ტურნირში, როლანდ სვანიძის გაწვრთნილმა გუნდმა, ბულგარეთი 10:3 გაანადგურა. ორი პერიოდის შემდეგ ანგარიში თანაბარი იყო – 3:3.

ბოლო აკორდი მთლიანად საქართველოს ნაკრების გამოდგა – ჩვენებმა შვიდი შაიბა გაიტანეს და სოლიდური ანგარიშით მოიგეს. საქართველოს ნაკრებიდან საუკეთესოები ნიკიტა ბუკია და ივან კარელინი იყვნენ. ორივემ 4-4 გოლი გაიტანა და 2-2 ასისტი მიითვალა.

შეგახსენებთ, რომ საქართველოს ნაკრებმა ჯერ ბელგიას (4:3) მოუგო, შემდეგ ისლანდიასთან (2:5) წააგო. ახლა ამ სამ გუნდს 6-6 ქულა აქვს, მაგრამ ბელგიას ისლანდიასთან სათამაშო დარჩა.

ავტორის პროფილი

გიორგი ვაშაკიძე: გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.

უახლესი პოსტები

Post Views: 10