ხინჩეგაშვილის ოცნება კორონამ დაამსხვრია

Vladimer khinchegashvili.jpg თავისუფალი სტილით ჭიდაობაში ქართველი ოლიმპიური, მსოფლიოსა და ევროპის სამგზის ჩემპიონი ვლადიმერ ხინჩეგაშვილი ტოკიოს ოლიმპიადაზე ვერ იასპარეზებს.

ლადოს 6-9 მაისს სოფიაში სალიცენზიო ტურნირზე უნდა ეჭიდავა, მაგრამ კორონავირუსის ტესტზე დადებითი პასუხი მიიღო. ეს ავტომატურად ნიშნავს სოფიის ტურნირის და შესაბამისად, ტოკიოს ოლიმპიადის მიღმა დარჩენას.

„ყველაზე უადგილო მომენტი და ყველაფერი დასრულებულია“, – დაწერა ოლიმპიურმა ჩემპიონმა სოციალურ ქსელში. ადვილი გასაგებია ლადოს ფსიქოლოგიური მდგომარეობა.

30 წლის სპორტსმენისთვის ეს ეგებ ოლიმპიურ მწვერვალზე მეორედ ასვლის ბოლო შანსი იყო.

ავტორის პროფილი

გიორგი ნოზაძე: მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".