გერმანიის ნაკრებში პატიოსანი კაცი არ სჭირდებათ

არ გინდივართ და მეც არ მჭირდებითო, — ასე გამოუვიდა „ბაიერნის” 30 წლის თავდამსხმელ სანდრო ვაგნერს, როდესაც შეიტყო, რომ იოაჰიმ ლიოვმა მსოფლიოს ჩემპიონატზე წამსვლელთა სიაში არ შეიყვანა. ლიოვის მიერ სარუსეთო სიის გამოცხადების მეორე დღეს ვაგნერმა განაცხადა, რომ გერმანიის ნაკრებში თამაშს თავს ანებებს. სხვა სიტყვებით, ის ბუნდესმანშაფტს მსოფლიოს ჩემპიონატის მერეც აღარ დაეხმარება.

შეგახსენებთ, რომ გერმანელ გულშემატკივარს ყველაზე მეტად ნაკრების წინასწარ, 27 კაციან სიაში მარიო გიოტცესა და ვაგნერის არყოფნა ეხამუშა.

ვაგნერმა „ბილდს” მწარედ უთხრა: „ჩემთვის ნათელია, რომ გერმანიის ნაკრების მწვრთნელებს იმიტომ არ ვუნდივართ, რომ ყოველთვის ღია, პატიოსანი და სიმართლის პირში მთქმელი კაცი ვარ”.

„ჰოფენჰაიმის” ყოფილ ფეხბურთელს ბუნდესნაკრებში 8 თამაშში 5 გოლი აქვს გატანილი. შარშან საზფულს ის კონფედერაციათა თასის მფლობელი გახდა.

ავტორის პროფილი

ლუკა თალაკვაძე: ლუკა თალაკვაძე ნამდვილი სარბიელელია. ყველას შემწე, გვერდში მდგომი, ალალი და უსაყვედურო. ჟურნალისტის პროფესიის ქიციც იცის და ქიცმაცურიც.

უახლესი პოსტები

Post Views: 6