აფრიკელები ნახევარფინალისტებს არკვევენ

Rabat, Morocco Morocco's Brahim Diaz in action during the Africa Cup Of Nations Quarter-final match between Cameroon and Morocco at Prince Moulay... აფრიკის ერთა თასზე მეოთხედფინალები დაიწყო. პარასკევის პირველ შეხვედრაში სენეგალმა მალის 1:0 მოუგო. პირველი ტაიმის ბოლოს, მსაჯის წამატებულ წუთებში მალის „ტოტენჰემ ჰოთსფურის’’ ნახევარმცველი ივ ბისუმა გაუძევეს მოედნიდან. მან ორი ყვითელი მიიღო.

სენეგალი გახდა შეჯიბრების პირველი ნახევარფინალისტი. მისი პირადი რეკორდი ასეთია: სენეგალის ნაკრებს კონტინენტის ჩემპიონატის ფინალურ ეტაპზე უკვე 16 თამაშია არ წაუგია, 11 მოიგო და 5 ფრედ ითამაშა. შეხვედრის ერთადერთი გოლი 27-ე წუთზე „ევერტონის’’ თავდამსხმელმა ილიმან ნდიაიემ გაიტანა.

მედია წერს, რომ გამარჯვების მიუხედავად სენეგალის ეროვნულმა გუნდმა დამაჯერებლად ვერ ითამაშა. ამაზე ანგარიშიც მეტყველებს. ბოლო ოთხ წელიწადში, აფრიკის ერთა თასის ფინალურ ეტაპზე (2021, 2023, 2025) სენეგალს შეხვედრა ასეთი მცირე ანგარიშით არ მოუგია. მისი შემდეგი მეტოქე ეგვიპტესა და კოტ დ’ივუარს შორის გამარჯვებული იქნება.

პარასკევის მეორე თამაში კი კამერუნსა და ჩემპიონატის მასპინძელ მაროკოს შორის გაიმართა. ეს გახლდათ კონტინენტის ორი ძლიერი საფეხბურთო ქვეყნის დაპირისპირება, რომელშიც ფავორიტად მაროკო ითვლებოდა. მიზეზი ძნელი მისახვედრი არ არის: მიუხედავად იმისა, რომ ბოლო წლებში კამერუნი მაროკოელებს იოლად არაფერს უთმობს, შინ თამაში მაინც მნიშვნელოვანი ფაქტორია.

მაროკოელთაგან გოლები გაიტანეს „რეალის’’ ნახევარმცველმა ბრაჰიმ დიასმა და „ეინდჰოვენის’’ ისმაელ საიბარიმ. მაროკო ნახევარფინალში ნიგერიასა და ალჟირს შორის გამარჯვებულს შეხვდება.