10 – გოგა, 10 – სანდრო

Toronto Raptors issue continues in loss vs. Houston Rockets NBA-ში მორიგი სათამაშო დღე იყო და მოედანზე ისევ ორივე ქართველი ვიხილეთ. ორივეს გუნდმა ისევ წააგო და ორივემ ერთნაირი ქულები დააგროვა.

სანდრო მამუკელაშვილის „ტორონტომ“ საკუთარ არენაზე „ჰიუსტონ როკეტსს“ უმასპინძლა და 121:139 დამარცხდა. ჯეიკობ პოილტლის არყოფნაში სანდრო მამუკელაშვილს სასტარტო ხუთეულში ველოდით, მაგრამ მწვრთნელმა ჩვენებურს კოლინ მიურეი-ბოილსი ამჯობინა და მამუც საქმეში სათადადრიგოთა სკამიდან ჩაერთო. სანდრომ პარკეტზე 16.19 წუთი გაატარა, რა დროშიც 10 ქულა, 1 მოხსნა და 2 პასი დააგროვა. მამუკელაშვილმა ოთხიდან სამი ორქულიანი, ორიდან ერთი სამქულიანი და ორიდან ერთი საჯარიმო ჩააგდო. დაახლოებით იგივე მაჩვენებელი ჰქონდა მიურეი-ბოილსსაც – 13 ქულა, 1 მოხსნა, 2 პასი. თუმცა, მოედანზე ქართველზე ცხრა წუთით მეტი გაატარა. „ტორონტო“ ერთი მოგებითა და ოთხი მარცხით აღმოსავლეთ კონფერენციაში მე-12 ადგილზეა და მომდევნო მატჩს „კლივლენდ კავალიერსთან“ გამართავს.

გოგა ბითაძის „ორლანდო მეჯიქმა“ „დეტროიტ პისტონსთან“ ასევე სტუმრად წააგო – 116:135. გოგამ 26.31 წუთში 10 ქულა, 6 მოხსნა და 2 პასი მოინაგრა. ქართველმა ცენტრმა ხუთიდან ხუთი ორქულიანი ჩააგდო, ხოლო სამქულიანი და საჯარიმო სროლები არ შეუსრულებია. „ორლანდო“ „ტორონტოს“ მსგავსად ერთი მოგებითა და ოთხი წაგებით აღმოსავლეთ კონფერენციაში მე-13 ადგილზეა და მომდევნო მატჩს „შარლოტთან“ სტუმრად გამართავს.