ბოლო წუთებში მეტოქისთვის 3:2-ის გამოგლეჯა ჟერალდ ბატიკლის გუნდისთვის უკვე ტრადიციად ჩამოყალიბდაო, წერს „პარიზიენი’’ 21-წლამდელთა ევროპის ჩემპიონატის მეოთხედფინალური შეხვედრის მიმოხილვაში: საფრანგეთის ახალგაზრდულმა ნაკრებმა დანიას, ისევე როგორც ჯგუფური ეტაპის მატჩში საქართველოს, ბოლო წამებზე შემოუტრიალა თამაში ― 3:2. ამჯერად ფრანგებმა გამარჯვების გოლები 84-ე და 85-ე წუთებზე გაიტანეს. „ბლუე’’ ნახევარფინალში გავიდა.
ახალგაზრდა ფრანგებმა კვლავ გაირთულეს საქმე, ორჯერ ჩამორჩნენ მეტოქეს, მაგრამ ბოლოს მაინც გადასძალეს მოწინააღმდეგე. ნახევარფინალში ისინი გერმანელ თანატოლებს შეხვდებიან, რომლებმაც არანაკლებ დრამატულ შეხვედრაში ასევე 3:2 მოუგეს იტალიელებს.
უგოლო პირველი ნახევრის მერე ანგარიში იტალიამ გახსნა, მაგრამ გერმანელებმა 68-ე და 87-ე(!) წუთებზე ორი გოლით უპასუხეს. 81-ე წუთზე იტალიას მეორე ყვითლის გამო თავდამსხმელი ვილფრედ გნონტო, 90-ე წუთზე კი მსაჯთან კამათის გამო მცველი მატია ძანოტი გაუძევეს მოედნიდან ― ჯერ ყვითლით დასაჯეს და მერე ესეც არ აკმარეს. 90+3 წუთზე ორკაცნაკლულმა „აძურინიმ’’ მაინც გაათანაბრა ანგარიში, მაგრამ დამატებით დროში, საფინალო სასტვენამდე სამიოდ წუთით ადრე, წააგო.
მეორე ნახევარფინალში ინგლისი ნიდერლანდებს შეხვდება.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
სიახლეები26/07/2026 | 08:42ჯიჯიმ ცოლი მოიყვანა
სიახლეები25/07/2026 | 09:53პირლო დუბაის დაეთხოვება და სკუადრა აძურას ჩაიბარებს
მთავარი ამბავი25/07/2026 | 07:31ფაბიან რუისი და გავი პომიროს ჭამენ
აქეთურ-იქითური25/07/2026 | 06:46ნუთუ ჰოლანდიელმა ექიმებმა ტყუილი თქვეს?