ბექემი ტელევარსკვლავობას აპირებს

David Beckham launching his new show. დევიდ ბექემი გარი ლინეკერობას აპირებსო, წერს „სანი’’ და გვამცნობს, რომ ინგლისური ფეხბურთის ვარსკვლავი Paramount+ -ზე ტელეშოუს გაუძღვება.

გადაცემას ერქმევა Beckham & Friends Live, რომელშიც წამყვანი სავარაუდოდ თავის მეგობრებს შეფ გორდონ რემსისა და მსახიობებს ტომ კრუზსა და რაიან რეინოლდსს მიიწვევს.

შოუ ბრიტანეთსა და აშშ-ში გადაიცემა. მაყურებელი ჩემპიონთა ლიგის მატჩების დროს ბექემისა და მისი A-კლასის სტუმრების საუბარს მოისმენს.

პირველი ორი ეპიზოდი ეთერში ლონდონიდან გავა. ეს მოხდება 6 და 7 მაისს როდესაც „ინტერი’’ „ბარსელონას’’, ხოლო „პარი სენ ჟერმენი’’ „არსენალს’’ შეხვდება.

მესამე გადაცამა 49 წლის ბექზს 31 მაისს მიუნხენიდან ექნება, სადაც „ალიანც არენაზე’’ ჩემპიონთა ლიგის ფინალია.

ვინ იქნება ამ დღეს მისი სტუმარი? ამის შესახებ ინგლისური ფეხბურთის ვარსკვლავი საგანგებოდ დუმს.

მაიამის სახლიდან CBS-ის Golazo სპორტთან ჩართვის დროს ბექემმა თქვა: „ერთი სული მაქვს რამდენიმე მეგობართან ერთად როდის ჩავერთვები საქმეში, მოვწრუპავთ ჭიქა ღვინოს და ვისაუბრებთ’’.