ბასილაშვილი მასპინძელზე გავიდა

ნიკოლოზ ბასილაშვილი ინდიან უელსის 1000-იანი მასტერსზე ითამაშებს. საამისოდ კი ჩვენიანს მეორე საკვალიფიკაციო ეტაპზე იაპონელ იასუტაკა უჩიამას დამარცხება დასჭირდა – 6:4; 3:6; 6:3.

მატჩი 2 საათს გაგრძელდა და ჩვენებურის უპირატესობა ნათელი იყო. მხოლოდ მეორე სეტში საკუთარი ჩაწოდების წაგება სეტის წაგებად დაუჯდა. სხვა შემთხვევებში ბასილაშვილი დამაჯერებელი იყო.

ბასილაშვილის მომდევნო მეტოქე 31 წლის ამერიკელი მარკოს ხირონი იქნება, რომელიც ATP-ს რეიტინგში 48-ე ადგილზეა, ნიკა – 152.

შეგახსენებთ, რომ ბასილაშვილმა საკვალიფიკაციოს პირველ მატჩში ამერიკელ კრისტოფერ ეუბენკსს 6:2, 6:4 სძლია.