კვარამ შეიძლება ნაპოლისთან კონტრაქტი შობამდე გაახანგრძლივოს

ვერ გეტყვით რა ინფორმაციაზე დაყრდნობით დაწერა ნეაპოლის მთავარმა გაზეთმა „ილ მატინომ’’, რომ ხვიჩა კვარაცხელიამ „ნაპოლისთან’’ ახალ ხელშეკრულებას შეიძლება შობამდე მოაწეროს ხელი, მაგრამ ფაქტია, რომ ეს ამბავი ბევრმა იტალიურმა საიტმა გადაბეჭდა.

გაზეთი შეგვახსენებს, რომ კლუბის ბოლო შეთავაზება წელიწადში 6 მილიონი ევრო იყო.

„ილ მატინო’’ წერს, რომ „ნაპოლის’’ ხელმძღვანელობა და ფეხბურთელის გარემოცვა უახლოეს ხანს შეხვდებიან ერთმანეთს და დიდი შანსია საერთო ენა გამონახონ. ერთხელაც ვიტყვით: არსად ზუსტდება, თუ რამ გაუჩინა „ილ მატინოს’’ ასეთი ოპტიმიზმი.

შეგახსენებთ, რომ კვარაცხელია „ლაციოსთან’’ შეხვედრაში დაშავდა. მას რამდენიმე კვირიანი უქმობა და მკურნალობა სჭირდება.