ვინ დაესწრო ტოტო სკილაჩის დაკრძალვას?

Thousands turn up at funeral of Italian World Cup hero Salvatore “Totò” Schillaci | AP News იტალიური ფეხბურთის ლეგენდა ტოტო სკილაჩი მშობლიურ პალერმოში დაკრძალეს. ის მძიმე სენისგან 18 სექტემბერს გარდაიცვალა. ფეხბურთელობის დროს სკილაჩი თამაშობდა „მესინაში”, „იუვენტუსში”, „ინტერსა” და იაპონურ „ჯუბილო ივატაში”.

1990 წლის მსოფლიოს ჩემპიონატის საუკეთსო ბომბარდირის გასვენებას დაესწრნენ ქვეყნის ფეხბურთის ფედერაციის პრეზიდენტი გაბრიელე გრავინა, მისი წინამორბედი ანტონიო მატარეზე, კლუბ „პალერმოს” წარმომადგენლები და რამდენიმე ფეხბურთელი, მათ შორის სკილაჩის დისშილი ფრანჩესკო დი მარიანო.

ოფიციალურ პირთაგან ვეტერანს პატივი მიაგეს პალერმოს მერმა რობერტო ლაგალიამ და სხვა ჩინოსნებმა. იყვნენ სკილაჩის „ნოტი მაჯიკეს” დროინდელი თანაგუნდელები: ჯუზეპე ბერგომი, ლუიჯი დე აგოსტინი და ჯუზეპე ჯანინი.

სხვები? სოციალურ ქსელებში გავრცელდა „იუვენტუსის” უკმაყოფილო ფანების კომენტარები.

„გამიხარდა, როდესაც გასვენებაზე ლუიჯი დე აგოსტინი დავინახე, მაგრამ სად იყვნენ სხვები? სკილაჩიმ „იუვეს” შემადგენლობაში მოიგო უეფასა და იტალიის თასები. ის ტურინელთაგან მეტ პატივისცემას იმსახურებდა”, — დაწერა ერთმა მათგანმა და ეს სულისკვეთება ძალიან ბევრმა გაიზიარა.