კრიშტიანუმ პორტუგალიას მიმართა

პორტუგალიის ნაკრების 39 წლის თავდამსხმელმა, კრიშტიანუ რონალდუმ გულშემატკივრებს 2024 წლის ევროპის ჩემპიონატის დაწყების წინ მიმართა.

„პორტუგალიელებო, დღეს ჩვენი ისტორიის კიდევ ერთი თავი იწყება. ვიხსენებ ჩემს პირველ დღეს ეროვნულ ნაკრებში, გამოწვევებითა და გამარჯვებებით სავსე დღეს. ახლა მე მაქვს პრივილეგია, რომ კიდევ ერთხელ ვიყო ნიჭითა და მონდომებით სავსე ჩემპიონ გუნდთან ერთად.

ყველას მონდომებით და მხარდაჭერით ვაქცევთ ოცნებებს რეალობად. ერთად ვიბრძოლოთ ახალი გამარჯვებისთვის. წინ პორტუგალია! – დაწერა რონალდუმ სოციალურ ქსელში.

შეგახსენებთ, რომ პორტუგალიის ნაკრებმა პირველ ტურში ჩეხეთი 2:1 დაამარცხა, 22 ივნისს კი თურქეთის ნაკრებს ეთამაშება.