ვინ იმსაჯებს მილნისა და ნაპოლის შეხვედრას?

Referee Istvan Kovacs checks the Video Assistant Referee for a second Al Hilal penalty during the FIFA Club World Cup Morocco 2022 Semi Final match... ოთხშაბათს, ჩემპიონთა ლიგის პირველ მეოთხედფინალურ შეხვედრას „მილანსა” და „ნაპოლის” შორის გაუძღვება38 წლის რუმინელი მსაჯი იშტვან კოვაჩი. თამაში საქართველოს დროით 23 საათზე „სან სიროზე” გაიმართება.

კოვაჩს, რომელიც პროფესიით ბავშვთა ფიზიკური აღზრდის მასწავლებელია, ჩემპიონთა ლიგაში იტალიური გუნდების მონაწილეობით სამი შეხვედრა განუსჯია.

პირველად იტალიელებისა და რუმინელის გზები 2019 წლის 2 ოქტომბერს გადაიკვეთა. ეს იყო ჯგუფური ეტაპის მატჩი სწორედ „ნაპოლისა” და „გენკს” შორის, რომელიც ბელგიაში ნეაპოლელთა სამწუხაროდ 0:0 დასრულდა.

მეორე გადაკვეთა მოხდა 2021 წლის 17 მარტს. მერვედფინალში „ბაიერნმა” შინ 2:1 მოუგო „ლაციოს”. მაშინ „ბაიერნი” რომაულ გუნდს გაცილებით სჯობდა, რის დასტურიც გახლდათ პირველ შეხვედრაში ბავარიელთა მიერ „ოლიმპიკოზე” მოგებული 4:1, მაგრამ რომაულ თამაშთან კოვაჩს შეხება არ ჰქონია.

და მესამედ რუმინელი არბიტრი იტალიური გუნდის თამაშს 2021 წლის 28 სექტემბერს გაუძღვა. კვლავ ჯგუფური ეტაპი: „შახტარი”-„ინტერი” 0:0.

მიმდინარე გათამაშებაში კოვაჩმა 21 თებერვალს იმსაჯა მერვედფინალური შეხვედრა „ლივერპულსა” და „რეალს” შორის — 2:5.

კოვაჩი და „ნაპოლი” წინა სეზონშიც გადაიკვეთნენ, ოღონდ ეს ჩემპიონთა ლიგის თამაში არ იყო. ეს გახლდათ ევროლიგის მეთექვსმეტედფინალური შეხვედრა „კამპ ნოუზე” „ბარსელონას” წინააღმდეგ — 1:1. კოვაჩი იყო აგრეთვე 2017 წელს ჩრდილო მაკედონიური „შკენდიასა” და „მილანის” საკვალიფიკაციო რაუნდის იმ შეხვედრის არბიტრი, რომელიც მაკედონიაში გაიმართა და „როსონერიმ” 1:0 მოიგო.

და ბოლოს სანაკრებო ფეხბურთის შესახებ. კოვაჩმა ბელფასტში იმსაჯა რობერტო მანჩინის „სკუადრა აძურას” შეხვედრა ჩრდილო ირლანდიასთან. თამაში დამთავრდა 0:0. ის ჩატარდა 2021 წლის 15 ნოემბერს და გახლდათ ყატარი 2022-ის შესარჩევი.