გასულ კვირას ინგლისის ლიგის თასის ფინალში „მანჩესტერ იუნაიტედმა“ „ნიუკასლი“ 2:0 დაამარცხა და 2017 წლის შემდეგ პირველი ტიტული მოიპოვა. მანამდე თანაქალაქელი „სიტი“ პეპ გვარდიოლას მეთაურობით, ამ პრიზს ზედიზედ ოთხჯერ ფლობდა (2018-2021). შარშან კი „ლივერპულის“ ჯერი დადგა.
პრესკონფერენციაზე გვარდიოლას ჰკითხეს, შეიძლება თუ არა თქმა, რომ „იუნაიტედი“ ისევ ძლიერი კლუბია.
„ადრე თუ გვიან ეს უნდა მომხდარიყო, არა? ცოტა მეტ ფულს თუ დახარჯავენ, მაშინ შეიძლება მართლა დაბრუნდნენ.“ – ღიმილით უპასუხა ესპანელმა სპეციალისტმა.
„როცა აქ მოვედი, მეგონა, „მანჩესტერი“ ყოველთვის ჩვენთან ერთად იბრძოლებდა ტიტულებისთვის, მაგრამ რთული პერიოდი დაუდგათ. ახლა ერიკ ტენ ჰაგმა წარმოუდგენელი სამუშაო შეასრულა. მოთამაშეები კი – ხედავთ, როგორი თავდადებულები არიან. როცა ხუთი-ექვსი წელია ტიტული არ მოგიგია ასეთი განწყობა ბუნებრივია.
მახსოვს, როცა პირველად მოვიპოვეთ ლიგის თასი, ყველა აღფრთოვანებული იყო. მოთამაშეებისთვის და პერსონალისთვის ეს სიახლე გახლდათ. მეოთხედ მოგებისას კი რეაქცია დაახლოებით ასეთი გახლდათ: „კიდევ ერთი? არა უშავს, ჩვეულებრივი დღეა ოფისში”, – თქვა „სიტის“ დამრიგებელმა.
ავტორის პროფილი
- გიორგი ვაშაკიძე იტალიაში რომ დაბადებულიყო,უთუოდ კოვერჩანოს სიახლოვეს იცხოვრებდა. იტალიური ფეხბურთის და ქართული ფიალის სწორუპოვარი მოტრფიალე. ყოველთვის მოუთმენლად ელის ხელფასს, "მილანის" დაბრუნებას და ქართული ფეხბურთის აყვავებას.
უახლესი პოსტები
კატეგორიის გარეშე28/10/2025 | 12:33თბილისის აკადემია ჩემპიონია
კატეგორიის გარეშე23/09/2025 | 00:56… ის არის დემბელე!
კატეგორიის გარეშე01/09/2025 | 22:46კიდევ ერთი ქართველი უოტფორდში
კატეგორიის გარეშე16/08/2025 | 22:05კიტეიშვილის დუბლი შესვენებამდე