იტალიელი მწერალი: კვარა ჩემთვის ის კაცია, ვინც თქვა – არა პუტინს!

Ismael Bennacer of AC Milan looks on as team mate Davide Calabria clashes with Khvicha Kvaratskhelia of SSC Napoli during the Serie A match between... „ლა გაძეტა დელო სპორტმა” ინტერვიუ ჩამოართვა პოპულარულ იტალიელ მწერალს, ნეაპოლელ რობერტო სავიანოს, რომელმაც სხვა თემების გარდა ხვიჩა კვარაცხელიაზეც ილაპარაკა.

„ჩემი ფავორიტი კვარაცხელიაა, — თქვა სავიანომ, — მის შესახებ მამაჩემმა ჯერ კიდევ ხვიჩას „ნაპოლიში” გადასვლამდე მითხრა. 21 წლამდელთა ნაკრებში უნახავს. მე ის მომწონს, რადგან ფეხბურთელის იერი არ აქვს. ის ჰგავს მორცხვ ბავშვს, რომელიც ბურთს ქუჩაში დასდევს. კიდევ, იმიტომ მომწონს, რომ ის რუსეთში თამაშობდა და ომი რომ დაიწყო, მართალია ამით მდიდრულ გერმანულ კლუბებში გადასვლის შანსი რისკის ქვეშ დააყენა, სამშობლოში დაბრუნდა. ჩემთვის კვარა არის ადამიანი, რომელმაც თქვა: არა პუტინს!”

შემდეგ მწერალმა სკუდეტოზე ილაპარაკა: „რის მეშინია? როგორც გულშემატკივარს მეშინია, რომ ისინი არ მოგვაგებინებენ. „დიდი მანქანა” ჩრდილოეთ იტალიის კლუბებს ქაჩავს. მეორე შიში ასეთია: როგორ გავაგრძელებთ თამაშს მსოფლიოს ჩემპიონატის შემდეგ? ტრავმებზე უარესი მხოლოდ ერთი რამ არის — უმოქმედობა. და ყველაზე მეტად ვისი მეშინია? „მილანის”. ეს ალბათ ბავშვობის კოშმარის გამოძახილია, როდესაც გულიტის და ვან ბასტენის მეშინოდა. „იუვე” კი ნაკლებად მადარდებს. ვფიქრობ, მათ კლუბში აქვთ პრობლემები და ეს პრობლემები დააბრკოლებთ”.