ჯერარდი დაიფრინეს

Steven Gerrard: Champions League winner backed to replace Aston Villa boss - EXCLUSIVE | Football | Sport | Express.co.uk „ასტონ ვილამ” სტივენ ჯერარდი მწვრთნელის თანამდებობიდან დაითხოვა. ბირმინგემელებს მიმდინარე სეზონში უჭირთ, პრემიერლიგაში ადგილის შენარჩუნებისთვის იბრძვიან. კლუბის ხელმძღვანელობას მოთმინების ფიალა გუშინ, „ფულემთან” სტუმრად 0:3 წაგების შემდეგ აევსო. ეს გახლდათ გუნდის მე-6 მარცხი 11 შეხვედრაში.

„ვილას” პრემიერლიგის ბოლო ოთხ ტურში არ მოუგია. გუნდი მე-17 ადგილზეა, გასავარდნთა ზონაზე ერთი პოზიციით მაღლა, თუმცა ქულებით „ვულვერჰემპტონის” ტოლადაა, რომელიც გასავარდნ მე-18 ადგილზეა.

„ძნელია, როდესაც სამსახურიდან გიშვებენ, მაგრამ კაცი ვარ და უნდა მივიღო. კლუბის პოზიცია მესმის. დღეს ჩემთვის მძიმე დღე იყო”, — თქვა „ლივერპულის” 42 წლის ლეგენდამ.

ჯერარდი „ასტონ ვილას” თავკაცად 2021 წლის ნოემბერში დანიშნეს. მანამდე ის 3 წელი „გლაზგო რეინჯერსში” მუშაობდა.

ბირმინგემელთა თავკაცის ვაკანტურ ადგილზე მაურიციო პოჩეტინოს და თომას ტუხელის კანდიდატურებს განიხილავენ.