ხვიჩა კვლავ ბესტს შეადარეს

Khvicha Kvaratskhelia of SSC Napoli competes for the ball with Andrea Cambiaso and Nicola Sansone of Bologna FC ,during the Serie A match between SSC... „იუვენტუსის”, აგრეთვე სერია A-ს, პრემიერლიგისა და ლიგა 1-ის სხვადასხვა კლუბისა და იტალიის ნაკრების ვეტერანმა თავდამსხმელმა, 53 წლის ფაბრიციო რავანელიმ „პრესინგ ბროდკასტში” ხვიჩა კვარაცხელია მსოფლიო ფეხბურთის წარსულ ლეგენდას, ჩრდილო ირლანდიელ ჯორჯ ბესტს შეადარა.

„ის ქცევით, მოძრაობითა და ვარცხნილობით ჯორჯ ბესტს მაგონებს. ტემპერამენტით და ცხოვრების წესით კი არ ვამბობ, მოედანს ვგულისხმობ. დრიბლინგითა და პლასტიკით ბესტს ჰგავს. მე ბესტის შესახებ ფილმი მაქვს ნანახი და ასეთი შთაბეჭდილება დამრჩა”, — თქვა ჩემპიონთა ლიგის 1996 წლის გამარჯვებულმა, უეფას თასის 1993 წლის მფლობელმა, „იუვენტუსისა” და „ლაციოს” შემადგენლობაში სერია A-ს ორგზის ჩემპიონმა, რომელსაც ბესტის თამაში ცოცხლად ნანახი ვერ ექნება.

ეს პირველი შემთხვევა არ არის, როდესაც ხვიჩას ლეგედანრულ ჩრდილოეთ ირლანდიელს ადარებენ.